بچوں کا بلغاریہ میں اسکول میں اندراج کرانا

Enrolling_kids_in_school_in_Bulgaria.jpg

آخری اپ ڈیٹ: 25/08/2019

بلغاریہ میں پناہ کے متلاشی اور مہاجرین کو اپنے بچوں کو مفت میں اسکول بھیجنے کا حق ہے- حقیقت یہ ہے کہ بلغاریہ اسے ایک فرض مانتا ہے کہ والدین اور سرپرست اپنے بچوں کو اسکولوں میں بھیجیں-

اندراج کرانے کی آخری تاریخ

ایک بار اپنے بچے کی پناہ کے لئے درخواست درج کرنے کے بعد، بلغاریہ آپ کو اپنے بچے کو اسکول میں داخلے کے لئے 3 مہینے دیتا ہے- غیر معمولی معاملات میں، یہ مدت طویل ہوسکتی ہے- اگر آپ اپنے بچے کی پناہ گزین کے لئے درخواست موسم گرما کی چھٹیوں کے شروع میں جمع کراتے ہیں تو وہ تعلیمی سال کے آغاز میں ہی اپنی پڑھائی شروع کر سکتا ہے-

پناہ گزین بچے یا جن کو بلغاریہ میں تحفظ فراہم کیا گیا ہے، اسکول کے پورے تعلیمی سال کے دوران داخلہ لے سکتے ہیں، لیکن دوسری اسکول ٹرم کے اختتام سے  کم از کم 30 دن پہلے-

سنہ 2021 میں اسکول میں تعلیمی سال کی دوسری ٹرم مذکورہ ذیل تاریخ کو ختم ہوتا ہے:

·پہلی سے تیسری  جماعت تک:31مئی 2021    چوتھی سے چھٹی جماعت تک: 14جون2021

·نام نہاد اسپورٹس اسکولوں میں پانچویں سے چھٹی جماعت تک: 30جون2021

·ساتویں سے گیارہویں جماعت تک: 30جون2021

·بارہویں جماعت:14مئی2021                           وزارت تعلیم کے ویب پیج پر رواں سال کے اختتام کی تاریخ اور سالانہ تعطیلات دستیاب ہیں

داخلہ کیسے لیتے ہیں

18 سال سے کم عمر لوگ اسکول میں اپنا اندراج خود نہیں کرسکتے ہیں- ان کے والدین یا قانونی نمائندگان کو ان کی نمائندگی کرنے اور ان کے دستاویزات جمع کرنے کی ضرورت ہے-

یہ طریقہ کار بچے کے سرٹیفکیٹ یا پچھلے تعلیمی ثبوت پر منحصر ہے-

سرٹیفکیٹ یا پچھلے تعلیمی ثبوت کے بغیر آئے ہوئے بچے

اگر آپ کے بچے کا پہلے اسکول جانے کا کوئی ثبوت نہیں ہے تو والدین یا قانونی نمائندہ کے طور پر اپنےعلاقائی شعبہ تعلیم کے دفترر جائیں اور ڈیپارٹمنٹ کے سربراہ کو داخلے کی درخواست جمع کریں-

 7کاروباری دنوں کے اندر، علاقائی شعبہ تعلیم کے سربراہ بچے کو کسی اسکول کے بارے میں ہدایت کریں گے- بچے کی رہائشی پتہ پر اور آپ کی خواہش پر منحصر ہے کہ کونسا اسکول ہو گا-

 7کاروباری دنوں میں، اُس اسکول کے ہیڈ ماسٹر بچے کو انٹرویو کے لئے ایک کمیٹی مقرر کریں گے- وہ یہ فیصلہ کرے گی کہ بچہ کو کس گریڈ میں شامل ہونا چاہئے- کمیٹی ان مضامین کے بارے میں سوال پوچھے گی جن کا بچے نے اپنے اصل ملک میں مطالعہ کیا ہے اور یہ بھی پوچھے گی کہ وہ کون سی گریڈ میں تھا-

علاقائی شعبہ تعلیم اس انٹرویو کے لئے مترجم فراہم کرے گی-

کمیٹی آپ کو اس انٹرویو کے نتائج کے بارے میں 7 کاروباری دنوں میں بتائیں گے- اس کے بعد، 3 کاروباری دنوں تک، اسکول کے ہیڈ ماسٹر آپ کے بچے کے لئے مناسب جماعت میں داخلے کا حکم جاری کریں گے-

اگر آپ کا بچے کے لئے پہلی، دوسری، تیسری یا چوتھی جماعت مناسب سمجھی گئی ہے تو اسے انٹرویو کے بغیر ہی اس جماعت میں درج کیا جائے گا-

سرٹیفکیٹ یا پچھلے تعلیمی ثبوت والے بچے

اگر آپ کے بچے کے پاس پچھلے تعلیمی ثبوت ہیں، تو اس سے کوئی انٹرویو کرنے کی ضرورت نہیں ہے- تاہم، بلغاریہ میں تعلیم کے علاقائی شعبہ کے ذریعے (رہائش کے مطابق) اس ثبوت کو قبول کرنے کی ضرورت ہے-

اسے قبول کروانے کے لئے، آپ کو والدین یا قانونی نمائندے کے طور پر مندرجہ ذیل اصل دستاویزات جمع کرنے کی ضرورت ہے:

  • ایک درخواست فارم- آپ  یہاںسے اس ایپلی کیشن کو ڈاؤن لوڈ کرسکتے ہیں یا مشاورت کرنے کے لئے علاقائی شعبہ جانے پر اس درخواست کا چھپا ہوا ورژن حاصل کرسکتے ہیں-
  • اسکول کی کوئی تعلیمی دستاویز جو ڈپلوما یا دیگر سرٹیفکیٹ ہوسکتی ہے-
  • ایک دستاویز جو تعلیم جاری رکھنے کے فراہم کردہ حقوق کو تحریر کرتی ہے، اگر اسکول کی تعلیم کے لئے دستاویز میں اس معلومات کا ذکر نہیں کیا گیا تب- آپ اس دستاویز کو اسکول یا اس ادارے سے حاصل کرسکتے ہیں جو آپ کے اصل ملک میں اس طرح کی دستاویز جاری کرنے کے لئے ذمہ دار ہے-
  • اگر بچہ آٹھویں اور دسویں گریڈ کے درمیان یا دسویں اور بارہویں گریڈ کے درمیان کسی مناسب گریڈ میں درج ہونے کے ذریعے اپنی تعلیم کو جاری رکھنا چاہتا ہے تو آپ کو بچے کے پچھلے اسکول میں مضامین کے لئے ایک ریفرنس یا ٹرانسکرپٹ جمع کرنا چاہئے- آپ کو اس دستاویز کو اسکول یا اُس ادارے سے بھی نکلوا لینا چاہئے جو آپ کے اصل ملک میں ایسی دستاویزات جاری کرنے کے کئے ذمہ دار ہے-
  • جب دستاویزات کو سیدھے اسکول میں نہیں بلکہ علاقائی شعبہ تعلیم میں جمع کرنے کی ضرورت ہے تو آپ کو فیس ادا کرنے کا مستند رسید فراہم کرنا چاہئے- یہ ایک عام کاغذ ہے جسے آپ فیس ادا کرنے پر بینک سے ملتا  ہے- فیس 25 یا 35 لیوا کا ہے جو دستاویز پر منحصر ہے-

ان دستاویزات کا بلغاریہ میں ایک سرکاری مترجم کی طرف سے ترجمہ کیا جانا چاہئے- پناہ متلاشیوں اور پناہ گزینوں کو دستاویزات کی تصدیق کروانے یا ان پر ایپوسٹل لگوانے کی ضرورت نہیں ہے-

آپ کو یا تو مستند دستاویزات یا ان کی نوٹری کے ذریعے تصدیق کی گئی کاپیاں جمع کرنی چاہئے- جس اسکول سے وہ جاری کی گئی تھیں وہاں سے بھی تصدیق کی جا سکتی ہیں-

اپنی دستاویزات کا ترجمہ کروانے کے لئے آپ کسی ٹرانسلیشن ایجنسی سے رابطہ کریں-

اسکول کے ہیڈ ماسٹر آپ سے مزید دستاویزات مانگ سکتے ہیں-

دستاویزات جمع کرانا

اگر بچہ پہلی اور چٹھی جماعت کے درمیان کسی مناسب گریڈ میں داخل ہو جائے، تو دستاویزات طے شدہ اسکول میں جمع کریں-

جب بچہ پانچویں جماعت میں داخل ہو جائے، تو چوتھی جماعت ختم کرنے کی دستاویزات علاقائی شعبہ تعلیم میں جمع کریں-

اگر بچہ ساتویں اور بارہویں جماعت کے درمیان کسی مناسب گریڈ میں داخل ہو جائے، تو دستاویزات علاقائی شعبہ تعلیم میں جمع کریں-

مدد کون کر سکتا ہے

اگر آپ پناہ کے متلاشیوں کے لئے ایک استقبالیہ مرکز میں رہتے ہیں تو آپ سرکاری ایجنسی برائے پناہ گزین کے سماجی کارکنوں یا غیر سرکاری تنظیموں یعنی این جی او والے کارکنوں کی مدد کے لئے درخواست کر سکتے ہیں-

اگر آپ کسی استقبالیہ مرکز میں نہیں رہتے ہیں تو، آپ مذکورہ ذیل تنظیموں سے مدد حاصل کر سکتے ہیں:

سینٹ اینا سینٹر برائے پناہ گزین اور مہاجرین انضمام

پناہ گزینوں اور مہاجرین کے لئے امداد

قانونی، سماجی اور نفسیاتی معاونت